jæja ætli það sé ekki komin tími á smá færslu Ég og Hanna erum hérna saman í Köben að njóta lífsins. Já þið þekkið okkur, við erum búnar að versla og versla meira!!! Hanna var svo sniðug að redda hjóli fyrir mig svo við hjólum bara út um allt eins og sannir danir...bara stuð, nema hvað að jafnvægið hjá annarri okkar er dálítið shaky, tölum ekkert meira um það
Loksins fer ég til köben og fæ gott veður, því ég hef alltaf lent í kuldakasti eða rigningu!!
Síðan komum við saman til Íslands á mánudaginn og Hanna verður á landinu í mánuð
Jæja hef voða litið meira að segja nema það að við ætlum að halda áfram að borða góðan mat og versla

Áfram Spánn

kveðja frá systrunum

Jasei! kominn tími fyrir svona eitt blogg áður en maður heldur til Íslands Fer reyndar ekki fyrr en eftir 6 daga en efast um að ég gefi mér tíma til þess að blogga eftir að Ásta kemur þá eru mikilvægari mál á dagskrá!

Fyrir akkúrat viku síðan var 17 júní hæ hó og allt það! ég ákvað að taka mér frí frá lærdómi og gera eitthvað skemmtilegt þar sem ég var nú hérna úti hjá gömlu nýlenduherrunum okkar Svo varð úr að ég fór í þennan fínasta fiskitúr með salsafólki
Renndum uppí í Helsingör sem er ca 30 mín frá Kaupmannahöfn og skelltum okkur útá sjó! Það er nefnilega hægt að kaupa pláss á svona litlum sætum fiskibát heilan dag og svo stendur maður bara með veiðistöngina sína (í mínu tilfelli lánaða veiðistöng að sjálfsögðu). Mér hefur alltaf fundist svo gaman útá sjó í þau fáu skipti sem ég hef farið svo þetta varð alveg frábær dagur Mín veiddi 5 FISKA 3 þorska og tvo ogguponsulitla makríla Reyndar bara einn nógu stóran til þess að borða og já ég borðaði minn eigin fisk tvo daga í röð! Fékk að sjálfsögðu hjálp við að flaka hann og þvílíkt gómsæti...held að hann hafi aðallega smakkast svona vel því ég veiddi hann sjálf Var þvílík veðurblíða svo 17 júní var frábær í ár

Svo um helgina var Havana Cup - hvert ár heldur salsaskólinn fótboltamót að deginum til og um kvöldið var svo grillað gómsætt nautakjöt og keppt í smá salsa og stuð Óþarfi að taka fram að mitt lið vann að sjálfsögðu fótboltann.....maður er enginn aumingi eins og þessir Portúgalir og Hollendingar Gat varla labbað daginn eftir vegna harðsperra!

Svo eru bara síðustu dagarnir í dag og á morgun í ritgerðardútli....allavegana í bili. Er reyndar nóg eftir - býst við að eyða meirihluta ágúst í þetta stúss en svo er maður vonandi búinn Hlakka til að hitta ykkur öll dúllurnar mínar þegar ég kem heim í næstu viku

Í dag eru einungis 2 vikur í Ástu systur og langþráð sumarfrí íhaaaaaaaa Erum líka að fullu núna að vinna að seinni rannsókninni - vonandi verður maður kominn vel á veg með hana áður en haldið er til Íslands

Guðbjörg vinkona var í heimsókn síðustu helgi og það var svoooo gaman hjá okkur Stelpan lenti í þvílíkri sól og sumarblíðu og eftir mjöög vel heppnaðan verslunartúr á fimmtudeginum og föstudeginum var flatmagað á ströndinni allan laugardaginn áður en haldið var í garðpartý til Sellu vinkonu þar sem var grillað og drukkið "smá" hvítvín og bjór Á sunnudeginum skelltum við okkur svo til Malmö þar sem bróðir Guðbjargar á heima og héldum áfram að njóta sumarblíðunnar í garð & grillpartý nr 2 þessa helgina Sumsé alveg fullkomin helgi!

Svo er EM í fótbolta í fullum gangi - hvet alla til að taka þátt í könnunni hér til hliðar Uppáhaldsliðin mín í augnablikinu eru Holland og Spánn - spiluðu svo rosalega skemmtilegan bolta í fyrstu leikjunum. Svo er það Portúgal í kvöld þar sem maður fylgist aðallega með Ronaldo

Jámm! Sumarið er sko komið til Danmerku 25+ stiga hiti og stanslaus sól hefur verið staðreyndin um helgina og ekki sér fyrir endann á þessu ennþá Maí sló met sem sólríkasti mánuður frá upphafi mælinga!!! og svo hefur hitastigið verið að koma með svona hægt og rólega

Ritgerðarskrif ganga vel í augnablikinu - síðasta vika var mjög busy sem við eyddum í að gera fyrri hluta rannsóknarinnar og stefnt er að að rannsóknarvinnu verði að mestu leyti lokið í lok júní þá verða einfaldir hlutir einsog niðurstöður og inngangur einungis eftir....vonandi :þ
Heimferðardagur er kominn á hreint! Flýg heim þann 30 júní sem er akkúrat eftir 4 vikur með Ástu skástu minni Hún kemur út til mín á miðvikudeginum á undan og verður að dúllast með mér og hjálpa mér að flytja sem mest heim Get ekki beðið eftir því að fá hana út í ekta danskt sommervejr!

Er þvílíkt stolt af strákunum okkar að komast á ÓL! Vildi að ég hefði séð leikinn á móti Svíum....heyrði að hann hefði verið besti leikur strákanna í mörg ár Nú er bara að vona að þeir vinni næstu leiki sem gefa þátttökurétt á HM á næsta ári!
Svo er bara 5 dagar í fótboltaveislu Evrópu Hlakka svooooo til þótt Englendingar séu ekki með....fullt af skemmtilegum þjóðum eins og Holland, Ítalía, Spánn og Portúgal. Hmmm verður erfitt að gera upp við sig með hverjum maður á að halda mest með....

læt þetta duga í bili....

Síðustu vikur eru búnar að vera þokkalega viðburðarríkar sem kannski sést á bloggleysi mínu undanfarið :þ Vil nú samt taka það fram að ég er ekki eini bloggarinn á þessari síðu sem er lélegur að blogga!!! Ástan hlýtur líka að hafa eitthvað skemmtilegt að segja

En eins og flestir fjölskyldumeðlimir vita (en ekki flestir vinir að þá skaust ég svo mjög óvænt heim um Hvítasunnuhelgina fyrir ca 2 vikum Fjölskyldan heimtaði mig bara heim um þessa helgi og svo fór að ég var stigin uppí vél rúmum 12 klukkutímum eftir að ákvörðunin var tekin. Úr því varð alveg yndisleg helgi þar sem ég fékk að hitta stórfjölskylduna pabba megin alveg tvisvar sem var æðislegt Komst í jarðaför hjá Garðari mínum heitinum sem var alveg rosalega falleg.
Svo hélt mútta uppá afmælið sitt á laugardeginum með flottasta brunch ever þar sem undirrituð gerði mikla lukku með salati og sumardrykk og svo var grillað og margt fleirra á samt alltof stuttum tíma.

Bið þá afsökunar sem ég hafði ekki tíma til þess að hitta....ákvað bara að vera ekkert að láta vita af mér þar sem ég var í svo stuttan tíma sem var nánast allur skipulagður. Enda er svo stutt í flutninga heim að ég hef ekkert svo mikið samviskubit

Svo kom ég aftur út í byrjun síðustu viku í þvílíka sumarblíðu og náði mér í smá lit. Fengum fyrsta feedback-ið frá leiðbeinandanum um að hún væri rosa ánægð með kaflana sem við sendum inn og við þyrftum ekki að breyta neinu...jíbbbí

Á laugardaginn var svo þjóðhátíðardagur Norðmanna og þá var manni auðvitað boðið í norskan frokost með tilheyrandi látum og flottheitum....kom auðvitað með íslenskt góðgæti frá Nóa&Síríus og Osta og Smjörsölunni.....ekki annað hægt að segja en að maður sé duglegur við að koma Íslandi á framfæri í gegnum sælgæti og mat

Meðfram þessu hefur svo verið undirbúningsvinna fyrir rannsóknina í ritgerðinni og heimsóknir til Dagbjartar og fjölskyldu svo ég veit að mér verður fyrirgefið fyrir leti mína í skrifum

Litla systir varð Íslandsmeistari um helgina eftir æsispennandi leik við Val - fylgdist með leiknum á netinu og var alveg að fara yfirum af stressi á endasprettinum En Stjörnustelpurnar höfðu þetta sem betur fer á endanum og því tveir titlar í höfn eftir veturinn....ekki slæmt það! Vonandi gengur þeim jafnvel næsta vetur og þá ætla ég sko að vera til staðar á öllum úrslitaleikjunum takk fyrir!

Veðrið hérna í Kaupmannahöfn er búið að vera eintómur draumur undanfarið. 2ja stafa tölur sem nálgast 20 alltaf meira og meira og sól án skýja er eitthvað sem maður er farinn að venjast núorðið Átti svo huggulegan sunnudag með Ane vinkonu minni þar sem við fórum í picnic í Fælledparken - sóluðum okkur og borðuðum ávexti og ís....algjör draumur Vona bara að maður eigi eftir að upplifa marga svona daga síðustu vikurnar hérna úti

Ritgerðin gengur vel....sendum líklegast 2 fyrstu kaflana á leiðbeinandann í dag eða á morgun og svo er bara að krossleggja fingur um að hún sé sátt við þetta :þ Er dáldið erfitt að einbeita sér að skrifunum í þessu veðrið - enda notar maður hvert tækifæri til að kíkja út...allar matar og kaffipásur eru haldnar utandyra

Heimta svo færslu frá nýbökuðum Íslandsmeistara í handbolta takk!

Finnst ég ekki hafa mikið að segja þessa dagana - er bara fram og tilbaka í vinnu - skóla - salsa. Gengur rosa vel með ritgerðina í augnablikinu en svo í maí byrjum við á sjálfri rannsókninni sem verður aðeins meira krefjandi kannski...
Vorið er loksins farið að láta sjá sig hérna í Kaupmannahöfn og ég er auðvitað hinn týpíski Íslendingur...um leið og sólin lét almennilega sjá sig í síðustu viku skellti ég mér í stuttermabolinn og kvartbuxurnar var kannski aaaaðeins of kalt þegar maður hjólaði heim um kvöldið og sólin var farin. Hitinn er nú ekkert alltof hár ennþá en þetta er allt að koma

Helgin verður viðburðarrík - ætla að skella mér í Paella Partý á laugardaginn....fyrir þá sem ekki vita hvað það er þá er paella rosalega góður spænskur réttur með hrísgrjónum og allskonar fiski. Við mútta borðum þetta regluega þegar við erum á Spáni En nú er þetta semsagt í boði á Havana (salsastaðnum mínum) á laugardaginn - kemur meiraðsegja ekta Spánverji til þess að elda

Víkingur mitt gamla og góða félag varð 100 ára í gær óska hérmeð öllum Víkingum nær og fjær til hamingju með þennan áfanga! Nú væri bara óskandi að félagið yrði rifið upp og yrði að sama veldinu og þegar maður var að alast upp. Er sorglegt hvað félagið hefur drabbast niður...sérstaklega í handboltanum þar sem nú er enginn almennilegur kvennaflokkur lengur Maður saknar gömlu góðu dagana þegar Víkin var pakkfull á leikjum Víkings og Stjörnunnar í kvennaflokki eða Víkings og Vals í karlaflokki og maður kom gjörsamlega raddlaus heim Maður kíkir kannski á einn eða tvo fótboltaleiki í sumar til að styðja strákana uppí úrvalsdeildina...

Ásta og Stjörnustúlkur standa í baráttunni um Íslandsmeistaratitilinn og ef þær vinna síðust 2 leiki sína að þá er titillinn í höfn Yrði ekki amalegt fyrir systur að verða bæði bikar og Íslandsmeistari á sínu fyrsta ári með "the Star" Svo nú er sko allsengin afsökun fyrir því að fara ekki á völlinn. Ríkey ég treysti þér í að hóa liðinu saman!

jæja.....back to framework for customer loyalty!

...p.s. stóðst ekki mátið að setja inn nokkrar myndir af litla draumaprinsinum mínum með góðfúslegu leyfi mömmunar. Getið séð þær undir "Myndasöfn"

Ótrúlegt að hugsa til þess að eftir einungis rúma 3 mánuði þá verður DK dvöl minni lokið Þessi tími er búinn að líða fáránlega hratt enda alltaf mikið að gera hjá manni.
Er loksins komin á blússandi ferð með ritgerðina - erum komin með frábæran leiðbeinanda sem við hittum á þriðjudaginn og nú er búið að setja í fimmta gír

Er að vonast eftir því að vorið fari að láta almennilega sjá sig hérna í DK - er aðeins of kalt fyrir minn smekk ennþá, sérstaklega þegar maður ber saman apríl í fyrra og núna. Var víst besti aprílmánuður frá upphafi mælinga svo kannski ekki hægt að bera hann saman við núna

Var í heimsókn hjá D&A í gær og mikið er þetta litla barn þeirra nú yndislegt Þau eru svo miklar dúllur svona pínulítill og hann Pétur Hugi er sko enginn undantekning Þau eru búin að hafa það rosalega huggulegt og kósí mæðginin í barneignarleyfinu svo maður verður svo afslappaður að kíkja í heimsókn til þeirra.

Svo er smá tilkynning úr handboltanum: Kvennalið Stjörnunnar er búið að bæta við sig firnasterkum nýjum línumanni á lokaspretti deildarinnar....leikmaðurinn er tiltölulega óþekktur í þessari stöðu en líkist ákveðnum hornamanni grunsamlega mikið. Hvet alla til að bera þennan nýja og skemmtilega leikmann augum á móti HK á morgun

Jæja nú er Íslandsför minni í þetta skiptið hálfnuð og þetta er búið að vera ósköp notalegt þrátt fyrir endalausa neikvæðni og dómsdagsspár sem mæta manni víðast hvar og ekki síst í fjölmiðlum. Ég barasta nenni ekki lengur að hlusta á þetta væl
Fyrir utan að kúra í faðmi fjölskyldunnar er maður búin að hitta vini og aðra vandamenn sem er alltaf nauðsynlegt. En líklegast er þetta eitt af síðustu skiptunum sem ég kem í "heimsókn" heim til Íslands því nú fer að líða að því að maður flytji heim sem er dáldið skrítin tilfinning

Dagbjört vinkona og kærastinn hennar Andrés eignuðust yndislegan gullmola þann 19 mars síðastliðinn sem nefndur var strax við fæðingu Pétur Hugi og sjálfsögðu er drengurinn Andrésson Ég rétt náði að kíkja á erfingjann áður en ég flaug heim svo það er mikil tilhlökkun þegar maður kemur aftur út að fara að kynnast honum almennilega

svo bíður náttlega ritgerð, vinna og salsa svo það verður nóg að gera

Já ég spyr enn og aftur! Hvað er eiginlega málið? Hvað er að gerast heima á Íslandi. Danska krónan er komin uppí rúmar 16 krónur!!! Vill einhver plís plís segja mér að þetta sé djók Bensínlítrinn kominn uppí 145 krónur og spáin fyrir verðbólgu í mars hljómar uppá 8,6%
Maður fer nú bara að endurskoða hvor maður yfirhöfuð hefur áhuga að flytja aftur á þennan klaka....hvað gæti freistað manns til þess? Veðrið? Atvinnumarkaðurinn? Hagstætt leigu eða húsnæðisverð??? Hmmmm....nei.....nei og aftur nei....

Ef maður ætti ekki svona súper æðislega fjölskyldu að þá held ég bara að Ísland væri ekkert sérlega áhugaverður kostur í augnablikinu
Talandi um fjölskyldu að þá er innan við sólarhringur til að maður skjótist uppá Kastrup að sækja liðið Er að vonast til að stórhríðin sem stóð hér yfir í gær sé svona one time only dæmi....er ekki alveg sátt við að fá einhvern páskabyl þegar ég fæ heimsóknir Fékk þó allavegana staðfestingu í gær að gjörsamlega ómögulegt væri að hjóla á Íslandi á veturna - þó svo að byggðir væru hjólastígar og allar brekkur jafnaðar við jörðu er sko ekkert grín að hjóla í byl
Er allavega sól og nokkuð heiðskírt í dag þó að hitastigið sé ekki mikið yfir 5 gráðum....

Læt vonandi heyra frá mér frá landi verðbólgu og gengislækkana í næstu viku

jæja þá styttist í köben-ferðina til Hönsu. Við förum eldsnemma á miðvikudagsmorgun og komum heim á páskadag. Hanna er búin að skipuleggja alla dagana, svo við þurfum ekkert að hugsa Það er mikil tilhlökkun hér á bæ, enda alltaf gaman að hitta Hönnu og kíkja á Köben

Það er smá pása í handboltanum núna, næsti leikur er ekki fyrr en 5. apríl. Svo nú eru það bara púlæfingar og mikil erfiði En það er svo sem ágætt, alltaf fínt að fá smá pásu inn á milli. Það eru bara 5 leikir eftir og stefnum við á íslandsmeistaratitilinn En þá verður Fram líka að tapa

Jæja, ætla að kíkja á evrópuleikinn hjá valsstúlkum....
Síðan kemur góð færsla um köben-ferðina

Jæja þá styttist í að maður fái heimsókn frá sínum nánustu Koma á hádegi miðvikudags í næstu viku Fram að því hef ég svosem nóg um að hugsa.....stubburinn hennar Dagbjartar gæti komið hvenær sem er - maður kippist við í hvert skipti sem síminn hringir
Svo þarf maður að vera duglegur við ritgerðina áður en familían kemur Leysist vonandi endanlega úr leiðbeinandamálum í þessari viku.....og þá verða málin sett á fulla ferð!

Helgin var ósköp notaleg - fór útað borða með salsavinum á föstudaginn sem endaði auðvitað í salsasveiflu á Havana....uppáhalds salsastaðnum mínum Svo var troðið í sig kökum og öðrum sætindum á laugardeginum í ammælisveislu hjá Andrési. Svo var bara endalaus afslöppun á sunnudeginum þar sem stærsta átak dagsins var að klæða sig

Er búin að vera í miklum hollustuham síðan ég kom út eftir jól og hef ekki borðað neitt nammi núna í bráðum 9 vikur Hef aldrei haldið svona út áður og er þvílíkt stolt af hörkunni Hef ákveðið að halda uppá þetta með nammidegi á laugardaginn....bara svona til að hita aðeins upp fyrir páskana

...lunch bíður svo later!

Til hamingju með titilinn Ásta skásta og aðrar Stjörnustúlkur Horfði á leikinn í beinni á netinu í gegnum RÚV - var í heimsókn hjá Dagbjörtu og við tengdum tölvuna við sjónvarpið svo þetta var næstum því alveg einsog að horfa á leikinn heima á Íslandi. Var alveg að farast úr spennu á tímabili og sem betur fer hafðist þetta hjá Stjörnunni Ekta úrslitaleikur sem bauð uppá ótrúlega spennu í lokin og endaði með sigri okkar stúlkna Var svo víst mikið húllumhæ um kvöldið í Mýrinni sem Ásta kemur vonandi með blogg um

Fór á tónleika með Sprengjuhöllinni svo á laugardagskvöldið með Möggu vinkonu og vinkonum hennar. Var voða gaman þrátt fyrir að ég þekki nú bara þetta eina lag sem ég heyrði um jólin Voru auðvitað næstum því bara Íslendingar þarna og mar gat keypt malt og appelsín og íslenskt nammi á barnum sem mér fannst ýkt fyndið.

Ég veit að það eru alveg rúmar 2 vikur í páska (og þar með fjölskylduna ) en ég bara stenst ekki lengur að setja síðuna í páskabúninginn - passar líka vel við veðrið hérna í augnablikinu....er skííínandi sól þó hitastigið sé kannski ekki hátt

Kannski komin tími til að blogga?
Tíminn þýtur svo hratt áfram að maður nær varla andanum þessa dagana Trúi varla að febrúar sé bráðum á enda. Í dag eru akkúrat 3 vikur í stóru fjölskylduheimsóknina jíbbí jíbbí jíbbí
Er þegar farin að plana dagskránna - á Skírdag förum við útað borða á ástralskan veitingarstað í miðbænum þar sem meðal annars er boðið uppá kengúrukjöt og krókódíl ætti að vera áhugavert....
Svo verður salsaveisla á laugardeginum - salsakennarinn minn Beni á nefnilega ammæli þessa helgi og býður í kúbanska veislu. Þegar ég sagði honum að ég kæmist því miður ekki vegna þess að fjölskyldan mín væri á landinu þá bauð hann þeim bara líka svo nú fá þau tækifærið til þess að upplifa smá salsasveiflu
Einnig er verið að plana smá heimsókn í Kolding sveitina bara spurning hvenær liðið það getur tekið á móti okkur allri hersingunni!

Að öðru....var alveg gríðarlega ánægð með lagið sem vann íslenska Eurovision - var einmitt í íslensku partýi á laugardagskvöldið og að sjálfsögðu var fylgst með keppninni í beinni á Rúv var svo hrikalega létt yfir því að þetta glaaaaaataða hnakkadrulluband Mercedes komst ekki áfram
Maður er sko alveg farin að plana ahead til forkeppninnar í maí - verður svaðalegt partý

Svo er bara countdown í bikarúrslitin á laugardaginn þar sem systir og aðrar Stjörnustúlkur verða í sviðsljósinu....wish I could be there!

já það var lagið this is my life með júróbandinu sem komst áfram....ég er bara mjög ánæsgð með það enda ágætis smellur og ekki er það verra að hafa góða söngvara....eitthvað voru þau í mercedes club ósátt með úrslitin.....en svona er lífið

Mamma og pabbi fóru á árshátíð snyrtistofunnar Rós í gær....byrjað var á partýi í Dalselinu (þar sem ég var að búa til mojhito fyrir allt liðið) síðan fóru þau öll á broadway að sjá George Michael-showið með honum Friðrik Ómar og Jógvan, og að sjálfsögðu var júróbandið sem spilaði fyrir dansi

Hanna fór á þorrablót í lok þorrans í gær, vonandi fáum við ítarlega lýsingu á því kvöldi

það eru ekki nema 6 dagar í bikarúrslit...íhhaaa og þá ætla ég að lyfta bikari og fá gullpening
Næsta vika verður bara undirbúningur fyrir bikarúrslitin...það er alltaf gaman að æfa þegar svona spennandi leikur er framundan  

jæja ætla að fá mér smá nammi og horfa á tv...